طريقة عمل حمام مغربي فى المنزل
كيفكم صبايا اليوم حتكلم عن طريقة الحمام المغربي في البيت والطريقه جدا سهله
اول شي حتكلم عن فايدة الحمام المغربي الحمام بيزيل خلايا الجلد الميت والبقع السوداه والكلف الموجوده بالبشره وغير كدا بيفتح الجسم وبيزيل القشور من فروة الراس وصدقوني اول ما بتعملي الحمام وبتخلصي بتحسي ببشرتك ناعمه ونظيفه ههههههههه بمدحه كثير لانو بموت فيه المهم نرجع لموضوعنا ايش بنحتاج عشان نعمل حمام مغربي نبدا
ليفه
حجر خفاف
الطين المغربي
الصابون المغربي
جهاز الساونا
لا تخافو كل الاغراض الي قلتلكم عليها بتنباع مع بعض زي المجموعه وسعرها جدا رخيص وحقولكم بعدين فين تلاقوها اما جهاز الساونا برضو حقولكم بعدين فين بتلاقوه وللمعلوميه في منه اشكال كثير يعني بتختاري الشكل والحجم الي انتي حابه
الطريقه
اول شي بتشغلي الجهاز عادي وتخليه لما تشوفي البخار طلع منه ترفعي شعرك او تغطيه ببونيه تبع الشعر بعدها تكوني مجهزه بالحمام الصابون المغربي وقناع الطين قناع الطين طريقته بتحطي كم حبه من الطين وتدوبيه في مويه ورد او حليب حسب الي بيناسبك بتخلطيه الين تحسي صار زي الكريمه ثقيل خلاص وخليه
تغسلي جسمك عادي كانك بتاخدي شاور وبعدين تحطي الصابون على جسمك زي كانك بتدهني كريم بتحطي بكل جسم وفى وجهك والاماكن الحساسه
اعتدر على الصوره بس للتوضيح
بتخلي الصابون على جسمك تقريبا 10 دقايق وانتي حاطه الصابون افضلي افركي جسمك بالصابون بس بيدك بدون ليفه بعد ما تخلصي ال10 دقايق اغسلي جسمك بالمويه بس وبعدها
حطي القناع الي جهزنا اول على وجهك وعلى طول شيلي الليفه وادخلي جهاز الساونا واجلسي ربع ساعه لما تحسي انو جسم بيعرق وقتها افركي جسمك بالليفه بحركه عكسيه يعني من تحت لفوق وحتشوفي وانتي بتفركي انو الاوساخ بدات تطلع افضلي افركي بس لا تقربي منطقة الوجه خلصنا وفركنا الجسم تخرجي من جهاز الساونا وتاخدي شاور عادي بتغسلي شعرك بالشامبو وتفركي رجلك بالحجر وتغسلي جسمك بالصابون تبعك واخرى شي بعد ما تخلصي الشاور كامل تنشفي جسمك وترطبيه بكريم يكون مناسب لك انا بستخدم كريم فازلين للجسم وبكدا يكون خلصنا الحمام المغربي واستمتعي بالنعومه والنضاره الي حتحسي بيها في جسمك الحمام المغربي تعمليه مره بالشهر وممكن مره كل اسبوعين بس لا تكثري يعني حاول تخصصي يوم بيكون للحمام
الاسعار
مجموعة الحمام المغربي سعرها بين 15و ال20 تلاقيها بالصيدليه او نزيه او محلات التجميل
جهاز الساونا سعره 250ريال موجود في محلات ادوات الصالونات ومحلات التجميل
اي استفسار او اقتراحات هنا او في الانستقرام
كيفكم صبايا اليوم حتكلم عن طريقة الحمام المغربي في البيت والطريقه جدا سهله 
ليست هناك تعليقات:
إرسال تعليق