THE BODY SHOP&L'OCCITANE
كيفكم ياحلوين اليوم الريفيو عن مشترياتي من بودي شوب ولوكستيان اخدت كم غرض
نبدا اخدت كريم للقدمين حبيتو مره ملمسه حلو وبيتكون من زيت النعناع وزبدة الكاكاو عشان كدا لما بتحطيه حتلاحظي ريحة النعناع قويه ترطيبه عالي وفيه كمان مقشر بس انا ما اخدت المقشر لانو عندي مقشر من شركة ثانيه استخدامه تقدري تستخدميه قبل النوم ومكتوب انو بتستخدميه مرتين بالاسبوع انا بستخدمه يومين وكمان لو عملتي تقشير لمنطقة القدمين وبعدين حطيته حتحسي بفرق وااضح تقيمي للمنتج مره حلو وخفيف وبتحسي بالانتعاش طبعن عشان ريحتة النعناع ههههه
الشي الثاني الي اخدته مرطب شفايف عجبني شكل الرول لانو مو بلاستيك معدن حبيت الفكره ترطيبه حلو بتستخدميه قبل ماتنامي وممكن كمان تستخدميه قبل الميك اب في منه نكهات زي الليمون والنعناع انا اخدت الورد واحلى شي انو طبيعي %100
والشي الثالث الي اخدته مكعب تلميع الاظافر مرررره حلو وحجمه كيوت تقدري تحطيه بالشنطه بيتكون من 4 خطوات عن جد لما استخدمته حسيت بفرق مرره واضح بتحسي انو الظفر نظيف وفيه لمعه تهبل
خلصنا من بودي شوب نروح على لوكستيان بنات شي خطيرررر وصدقوني حيعجبكم لانو عن نفسي صار ادمااان هو شاور جل بزيت اللوز بينعم الجسم ويوحد اللون وبيفتح وعن جد بتحسي بفرق من اول استخدام طريقته انك بتحطي الجل على جسمك زي كانو بتعملي مساج بتفضل تدهني الجسم لمدة 2-3 دقايق وبعدين تبللي جسمك بالمويه وتفركي وبعدين تغسليه حتحسي بنعومه من اول مره الي عندي خلص ولما رحت قال مو موجود بيجي بعد كم يوم فاآخدت الحجم الصغنون
وبكدا بيكون خلصت ياحلوين
ملاحظه: مو شرط الي بيناسبني بيناسبك
كيفكم ياحلوين اليوم الريفيو عن مشترياتي من بودي شوب ولوكستيان اخدت كم غرض نبدا اخدت كريم للقدمين حبيتو مره ملمسه حلو وبيتكون من زيت النعناع وزبدة الكاكاو عشان كدا لما بتحطيه حتلاحظي ريحة النعناع قويه ترطيبه عالي وفيه كمان مقشر بس انا ما اخدت المقشر لانو عندي مقشر من شركة ثانيه استخدامه تقدري تستخدميه قبل النوم ومكتوب انو بتستخدميه مرتين بالاسبوع انا بستخدمه يومين وكمان لو عملتي تقشير لمنطقة القدمين وبعدين حطيته حتحسي بفرق وااضح تقيمي للمنتج مره حلو وخفيف وبتحسي بالانتعاش طبعن عشان ريحتة النعناع ههههه
ملاحظه: مو شرط الي بيناسبني بيناسبك
الاسعار
الكريم من بودي شوب 49
مرطب الشفايف اعتقد ب9 لانو كان مخفض السعر
نيل بلوك مكعب التلميع 18
شاور جل 40 تقريبا الكبير 105
اي استفسار او اقتراحات هنا او الانستقرام
ليست هناك تعليقات:
إرسال تعليق